Ási í bæ - Undrahatturinn
Undrahatturinn
hans Ása í bæ hefur fyrir löngu skipað sér í heiðursflokk hljómplatna ái Íslandi. Nú er þessi plata loksins fáanleg á geisladiski og hefur hún verið endurhljóðblönduð og færð á stafrænt form. Undrahatturinn hefur verið ófáanlegur um margra ára skeið.
Fyrir liðlega 26 árum fóru tveir meistarar saman í Hljóðrita í Hafnarfirði til þess að taka upp úrval laga og texta annars þeirra. Þetta voru þeir Karl Sighvatsson sem stjórnaði útsetningum og upptökum og Ási í bæ sem lætur sér ekki nægja að eiga lögin heldur syngur þau öll líka. Afraksturinn kom út á þessari löngu ódauðlegu hljómplötu haustið 1978 sem núna er loksins endurútgefinn á geisladiski.
Undirleikararnir voru heldur ekki af verri endanum - auk Karls má þarna finna: Tómas M. Tómasson, Þórð Árnason, Sigurð Karlsson, Grettir Björnsson, Viðar Alfreðsson, Gunnar Ormslev, Hafstein Guðmundsson, Jón Heimi Sigurbjörnsson og Guðmund T. Einarsson.
Undrahatturinn hefur að geyma perlur eins og Ég veit þú kemur, Anna Marí, Kyssti mig sól og Göllavísur. Það hefur hvergi verið til sparað við útgáfuna. Gömlu upptökurnar úr Hljóðrita voru endurhljóðblandaðar og stafræn tónjöfnun gefur Undrahattinum nýtt líf.
Aron Arnarsson sá um hljóðblöndun og tónjöfnun