Gunnar Kvaran & Elísabet Waage - Harpa og Selló
Zonet útgáfan gaf út þann 22. september geisladiskinn Harpa og Selló þar sem þau Gunnar Kvaran sellóleikari og Elísabet Waage hörpuleikari leika 11 þekkt verk úr tónlistarsögunni.
Við hjá Zonet útgáfunni höfum lagt metnað okkar í það að gera útgáfuna eins veglega og kostur er. Upptökur fóru fram í Háteigskirkju fyrr á þessu ári en hljómburður í kirkjunni er framúrskarandi. Upptökustjórn var í höndum Bjarna Rúnars Bjarnasonar og hljóðmaður var Páll S. Guðmundsson.